"Барселона" ўз хоҳишига қарши жамоанинг муҳим ўйинчиларидан бири билан хайрлашишга мажбур бўлиши мумкин. Sport хабарига кўра, молиявий муаммолар туфайли жамоа жорий мавсумда раҳбарият ва бош мураббий Хави Эрнандесда яхши таассурот қолдираётган марказий ҳимоячи Андреас Кристенсенни сотиш ҳақида ўйлаши мумкин.
"Барселона" Кристенсенни сотмоқчи бўлмаса-да, агар 50 миллион евролик таклиф тушса, бу вариантни кўриб чиқиши мумкин, дея хабар беради манба.
Эслатиб ўтамиз, даниялик футболчи жамоага ўтган ёзда "Челси"дан текинга келиб қўшилган эди.