"Barselona" o‘z xohishiga qarshi jamoaning muhim o‘yinchilaridan biri bilan xayrlashishga majbur bo‘lishi mumkin. Sport xabariga ko‘ra, moliyaviy muammolar tufayli jamoa joriy mavsumda rahbariyat va bosh murabbiy Xavi Ernandesda yaxshi taassurot qoldirayotgan markaziy himoyachi Andreas Kristensenni sotish haqida o‘ylashi mumkin.
"Barselona" Kristensenni sotmoqchi bo‘lmasa-da, agar 50 million yevrolik taklif tushsa, bu variantni ko‘rib chiqishi mumkin, deya xabar beradi manba.
Eslatib o‘tamiz, daniyalik futbolchi jamoaga o‘tgan yozda "Chelsi"dan tekinga kelib qo‘shilgan edi.