Италиялик собиқ ҳужумчи Кристиан Вьери Италия терма жамоаси сафида иккита ўйинда гол урган Матео Ретеги ҳақидаги фикрлари билан ўртоқлашди.
Вьери Матеони иқтидорли футболчи деб ҳисоблайди, аммо у ҳали ҳам ўз устида ишлаши керак.
"У истиқболли футболчи, ўсишга эришди, Манчини ҳақ бўлиб чиқди, лекин Матео ҳали яна яхшиланиши керак. Албатта, буни фақат майдонга тушиш орқали амалга ошириш мумкин", - деди Вьери pianetamilan.it билан суҳбатда.
2024 йилги Европа чемпионатига саралаш босқичининг дастлабки икки ўйинида Италия терма жамоаси инглизларга 1:2 ҳисобида ютқазди ва шундан сўнг Мальтани 2:0 ҳисобида мағлуб этди.
