Ла Лига «Барселона» ярим ҳимоячиси Гавини рўйхатдан ўтказди, деб хабар беради турнир матбуот хизмати.
«Кўк-анорранглилар» билан янги шартномадан сўнг 18 ёшли футболчи яна 30-рақамли либос кияди.
Эслатиб ўтамиз, Ла Лига Гавининг Каталония клуби билан янги шартномасини рўйхатдан ўтказмаган, чунки «Барселона» бу келишув учун молиявий имкониятларга эга эмас деб ҳисоблаган эди. Шундан сўнг футболчи жамоанинг қайдномасидан четлаштирилди.
Гави жорий мавсум 25 та ўйинда майдонга тушиб, 1 та гол ва 2 та голли узатмани амалга оширди.