«Манчестер Юнайтед» бош мураббийи Эрик тен Хаг жамоанинг собиқ бош мураббийи Алекс Фергюсон номининг Премьер-лига Шон-шарафлар залига киритилганига муносабат билдирди.
«Фергюсон жаҳон футболидаги барча топ-мураббийлар учун яхлит ўлчовдир. У муваффақиятли жамоани қандай қуриш ва бошқаришни барчага кўрсатди.
Сэр Алекс «манкунианликлар»ни 13 марта чемпионликка олиб чиққан. Бу жуда катта муваффақият, уни деярли ҳеч ким такрорлай олмайди», - деди голландиялик мураббий.
Эслатиб ўтамиз, Премьер-лига шон-шуҳрат залига Фергюсондан ташқари Лондоннинг «Арсенал» клуби собиқ бош мураббийи Арсен Венгер ҳам киритилган эди.
