"Барселона" устози Хави Эрнандес жамоадаги фаолиятини давом эттиради. Бу ҳақда инсайдер Фабрицио Романо ижтимоий тармоқлар орқали маълум қилди.

"Кўк-анорранглилар" раҳбарияти 43 ёшли мутахассис учун янги шартномасини ҳозирдан тайёрлаб қўйган. Томонлар ўртасидаги амалдаги шартнома муддати 2024 йилнинг ўрталаригача мўлжалланган. Томонлар Ла Лигада чемпионликни қўлга киритгандан сўнг янги шартнома тузишлари мумкин.

Эрнандес 2021 йилдан бери "Барселона" бош мураббийи ҳисобланади. Испания чемпионатининг 26-туридан сўнг Каталония клуби 68 очко жамғариб, иккинчи ўриндаги "Реал"дан 12 очко олдинда бормоқда.