"Барселона"нинг собиқ бош мураббийи Рональд Куман ҳужумчи Лионель Мессининг Каталония клубини тарк этганидан ҳайратда қолганини тан олди.
“Бу ажабланарли бўлганди. Мавсум олдидан президент менга: “Эртага Месси ва унинг отаси билан учрашувимиз бор, шартнома имзолаймиз ва у қолади”, деганди. Эртаси куни Лапорта менга қўнғироқ қилиб: "Вазият қийин", деди. Ва кечаси у кетди. Месси "Барселона" учун кўп иш қилди, у бундай кетишга лойиқ эмас эди", - деди Куман Relevo нашрига.
35 ёшли Месси 2021 йилнинг августида “Барселона”ни тарк этганди. “Кўк-анорранглилар” Ла Лиганинг молиявий қоидалари туфайли у билан янги шартнома имзолай олмади. Ҳозирда у "ПСЖ"да ўйнайди.
