«Наполи» ярим ҳимоячиси Хвича Кварацхелия Италия чемпионатининг март ойидаги энг яхши футболчиси деб топилди.
Грузиялик футболчи учун бу 2022/2023 йилги мавсумдаги учинчи шундай мукофот бўлиб, бу рекорд ҳисобланади.
Хабар берганимиздек, Кварацхелия А Сериянинг «Милан»га қарши навбатдаги ўйинидан олдин соврин олади.
Умуман олганда, 2022/2023 йилги мавсумда Хвича Кварацхелия «Наполи» сафида турли турнирларда 30 та ўйинда майдонга тушиб, 14 та гол урди ва 16 та голли узатмани амалга оширди.
Жамоа А Серияда ишончли тарзда пешқадамлик қилмоқда ва иккинчи ўриндаги «Лацио»ни 19 очкога ортда қолдирди.
