"Ливерпуль"нинг чап қанот ҳимоячиси Эндрю Робертсон жамоасининг омадсиз мавсуми ҳақида гапирди.
Юрген Клопп жамоаси АПЛ турнир жадвалида пешқадам “Арсенал”дан 27 очко ортда қолиб, олтинчи ўринни эгаллаб турибди. Шунингдек, мерсисайдликлар дастлабки босқичларда Англия кубоги, Лига кубоги ва Чемпионлар лигасини тарк этишган.
"Апрель эндигина бошланмоқда ва биз ҳозир Премьер-лига чемпионлиги учун курашаётганимиз йўқ, биз Англия кубоги, лига кубоги ва Чемпионлар лигасидан чиқиб кетдик. Албатта, бу ниҳоятда умидсизлик. Биз бундай ҳолатни орзу қилмаганимиз аниқ”, - дея шотландияликнинг сўзларини келтиради Mirror.
1 апрель куни “Ливерпуль” АПЛ доирасида “Манчестер Сити”га қарши сафарда ўйнайди.
