"Манчестер Сити" футболчилари Эрлинг Холанд ва Жек Грилиш Жуд Беллингемни ўз жамоасига қўшилишга кўндиришди.

Дортмунднинг “Боруссия” клубининг 19 ёшли ярим ҳимоячиси “шаҳарликлар”ни анчадан буён қизиқтириб келмоқда, бироқ Европа футболининг бошқа гигантлари ҳам унга даъвогарлик қилмоқда. Бундан ташқари, "арилар" ўсиб бораётган суперюлдуз билан шартномани янгилашга ҳаракат қилишмоқда.

Журналист Бен Жейкобснинг сўзларига кўра, Эрлинг Холанд ва Жек Грилиш аллақачон Беллингем билан шахсий суҳбатда бўлишган ва улар инглиз футболчисини ёзги трансфер ойнасида "Манчестер Сити"га ўтишга кўндиришга ҳаракат қилишган.

Жуд Беллингемнинг трансфер нархи Transfermarkt томонидан 120 миллион еврога баҳоланган.