Футзал бўйича Ўзбекистон миллий терма жамоаси 17 сентябрь куни, маҳаллий терма жамоага қарши иккита ўртоқлик учрашув ўтказиш учун, Португалияга жўнаб кетди.

18 ва 19 сентябрь куни футзал бўйича Ўзбекистон терма жамоаси Португалияга қарши иккита ўртоқлик учрашуви ўтказади. 17 сентябрь куни  испаниялик мутахассис – Хосе Мариа Мендез қўл остидаги Ўзбекистон термаси Лиссабонга учиб кетди. У ердан ўзбекистонлик футбочлилар Вила-Реал шаҳрига йўл олишади. Икки терма жамоа ўртасидаги дастлабки ўйин айнан шу шаҳарда бўлиб ўтади. Иккинчи ўйин эса Пезу-да-Регуа туманида ўтказилиши режалаштирилган. Ўзбекистон терма жамоаси 20 сентябрь куни Тошкентга қайтади.

Португалияда Мендез қўл остида, аввал режалаштирилган 14 нафар футболчи ўрнига, 13 нафар ўйинчи бўлади. Жароҳати сабаб сўнгги лаҳзада ҳужумчи Жамолиддин Шарипов таркибдан тушиб қолди. Мендез томонидан чақирилган ўйинчиларнинг барчаси 2012 йилги Осиё чемпионати иштирокчилари ҳисобланади.

Қайд этиш жоиз, Португалия терма жамоаси 2010 йилда ўтказилган сўнгги Европа чемпионатининг кумуш медал эгаси ҳисобланади. Ўшанда португалияликлар мусобақанинг фақат финал ўйинида Испания терма жамоасига имкониятни бой беришганди (2:4). Португалия терма жамоасининг энг машҳур ўйинчилари сифатида Рикардиньо, Жоэль Кейруш ҳамда Кардинални кўрсатиш мумкин. Улардан биринчиси 2010 йил якунларига кўра жаҳоннинг энг яхши футзалчиси дея эътироф этилганди.

Португалияга йўл олган Ўзбекистон футзал терма жамоаси таркиби: