Мадриднинг “Реал” клуби ярим ҳимоячиси Федерико Вальверде жамоаси ўз майдонида “Вальядолид”га қарши ўйнайдиган Испания чемпионатининг навбатдаги турида майдонга тушмаслиги мумкин. Diario AS хабарига кўра, бош мураббий Карло Анчелотти футболчига дам бермоқчи.
Бунга сабаб Вальверде 2023 йилда "Реал" сафида энг кўп ўйин ўтказган футболчилардан бири бўлган. Италиялик мураббий юкламалар ҳажмини камайтирмаса, ярим ҳимоячи жароҳат олишидан қўрқмоқда.
Вальверде жорий мавсум Ла Лигада 7 та гол урди ва иккита голли узатмани амалга оширди.