Лондоннинг “Челси” клуби Италиянинг “Наполи” клуби ҳужумчиси Виктор Осимхенни ўз сафига қўшиб олмоқчи. Журналист Низар Кинселланинг сўзларига кўра, "аристократлар" нигериялик ҳужумчини қўлга киритишга жиддий умид қилишмоқда.
Янги ҳужумчининг трансфери "Челси"нинг ёзги мавсумдаги асосий мақсадларидан биридир. Осимхен жорий мавсумда 21 та гол билан А Сериянинг энг яхши тўпурари сифатида ажойиб ўйнамоқда. Шу билан бирга, "Наполи" футболчисини 150 миллион евродан паст нархга сотмоқчи эмас.
Манбанинг хабар беришича, "Манчестер Юнайтед" ҳам ёзда Виктор учун курашади.
