"Барселона" вице-президенти Рафа Юсте "ПСЖ" ҳужумчиси Лионель Мессининг жамоага қайтиши мумкинлиги ҳақида гапирди.
“Биз Лео Мессининг вакиллари билан боғландик. Лео биз уни қанчалик қадрлашимизни билади ва мен унинг қайтишини истардим. Албатта, Месси "Барса"ни ва шаҳарни яхши кўради, шунинг учун биз бу ерда ҳикоямизни давом эттириш учун қулай шарт-шароитларни топишга умид қиламиз", - дея Юстенинг сўзларини келтирган журналист Фабрицио Романо.
35 ёшли аргентиналик футболчи 2021 йилнинг ёзида "Барселона"дан "ПСЖ"га ўтган эди. Жорий мавсумда у парижликлар сафида барча мусобақаларда 32 та ўйинда майдонга тушиб, 18 та гол урди ва 17 та голли узатмани амалга оширди.
