"Barselona" vise-prezidenti Rafa Yuste "PSJ" hujumchisi Lionel Messining jamoaga qaytishi mumkinligi haqida gapirdi.
“Biz Leo Messining vakillari bilan bog‘landik. Leo biz uni qanchalik qadrlashimizni biladi va men uning qaytishini istardim. Albatta, Messi "Barsa"ni va shaharni yaxshi ko‘radi, shuning uchun biz bu yerda hikoyamizni davom ettirish uchun qulay shart-sharoitlarni topishga umid qilamiz", - deya Yustening so‘zlarini keltirgan jurnalist Fabrisio Romano.
35 yoshli argentinalik futbolchi 2021 yilning yozida "Barselona"dan "PSJ"ga o‘tgan edi. Joriy mavsumda u parijliklar safida barcha musobaqalarda 32 ta o‘yinda maydonga tushib, 18 ta gol urdi va 17 ta golli uzatmani amalga oshirdi.