"Челси" "Барселона" ҳимоячиси Алехандро Бальдени сотиб олмоқчи. Бу ҳақда Испаниянинг Sport нашри хабар бермоқда.
Манбага кўра, "Челси" 19 ёшли Бальденинг шартномаси билан боғлиқ вазиятни фаол равишда кузатиб бормоқда. Ёзда футболчининг "Барселона" билан келишуви якунланишига бор-йўғи бир йил муддат қолади. Каталонияликлардаги молиявий муаммолар лондонликларга ёш ҳимоячини трансфер қилиш бўйича келишувга эришишга ёрдам бериши мумкин.
Бу мавсумда Бальде Испания Ла Лигасида бешта голли узатмани амалга оширди. Футболчи аввалроқ “Барселона”да қолиш истагини билдирганди, бироқ у бошқа клубга ўтишини ҳам истисно қилмади.
