"Chelsi" "Barselona" himoyachisi Alexandro Baldeni sotib olmoqchi. Bu haqda Ispaniyaning Sport nashri xabar bermoqda.
Manbaga ko‘ra, "Chelsi" 19 yoshli Baldening shartnomasi bilan bog‘liq vaziyatni faol ravishda kuzatib bormoqda. Yozda futbolchining "Barselona" bilan kelishuvi yakunlanishiga bor-yo‘g‘i bir yil muddat qoladi. Kataloniyaliklardagi moliyaviy muammolar londonliklarga yosh himoyachini transfer qilish bo‘yicha kelishuvga erishishga yordam berishi mumkin.
Bu mavsumda Balde Ispaniya La Ligasida beshta golli uzatmani amalga oshirdi. Futbolchi avvalroq “Barselona”da qolish istagini bildirgandi, biroq u boshqa klubga o‘tishini ham istisno qilmadi.