"Челси" бош мураббийи Грэм Поттер ёзги трансфер ойнасида жамоани тарк этиши мумкинлиги айтилаётган ярим ҳимоячи Мэйсон Маунтнинг аҳволи ҳақида фикр билдирди.
“Маунт жароҳатлар ва жамоадан кетиш ҳақидаги миш-мишлар орасида қийин дамларни бошдан кечирмоқда. Бироқ, Мэйсон энг профессионал ва ажойиб йигит. Мен унга ишонаман”, деди Поттер матбуот анжуманида.
Маунт ҳалигача "аристократлар" раҳбарияти билан янги шартнома борасида келиша олмаяпти. Унинг амалдаги шартномаси келаси мавсум охирида якунига етади. "Ливерпуль" вазиятни фаол кузатиб бормоқда ва ёзда уни ўз сафига жалб қилишга тайёр.
