"Наполи" ҳужумчиси Виктор Осимхен Италия чемпионатининг якшанба куни бўлиб ўтадиган "Милан"га қарши ўйинини ўтказиб юборади. Клуб матбуот хизмати Осимхеннинг чап қўшимча мушакларидан жароҳат олгани ҳақида хабар берди. 24 ёшли нигериялик футболчининг аҳволи кейинги ҳафтада қайта баҳоланади.
Осимхен жорий Италия чемпионатининг энг яхши тўпурари ҳисобланади. Нигериялик ҳужумчи 23 та ўйинда 21 та гол уришга муваффақ бўлди.
Италия чемпионати доирасидаги “Наполи” – “Милан” учрашуви келаси якшанба, 2 апрель куни бўлиб ўтади. Айни дамда неаполликлар А серияда иккинчи “Лацио”дан 19 очкога илдамлаб кетиб, ишончли тарзда пешқадамлик қилмоқда. "Наполи" 1990 йилдан бери илк бор Италия чемпиони бўлиши мумкин.
