"Napoli" hujumchisi Viktor Osimxen Italiya chempionatining yakshanba kuni bo‘lib o‘tadigan "Milan"ga qarshi o‘yinini o‘tkazib yuboradi. Klub matbuot xizmati Osimxenning chap qo‘shimcha mushaklaridan jarohat olgani haqida xabar berdi. 24 yoshli nigeriyalik futbolchining ahvoli keyingi haftada qayta baholanadi.
Osimxen joriy Italiya chempionatining eng yaxshi to‘purari hisoblanadi. Nigeriyalik hujumchi 23 ta o‘yinda 21 ta gol urishga muvaffaq bo‘ldi.
Italiya chempionati doirasidagi “Napoli” – “Milan” uchrashuvi kelasi yakshanba, 2 aprel kuni bo‘lib o‘tadi. Ayni damda neapolliklar A seriyada ikkinchi “Lasio”dan 19 ochkoga ildamlab ketib, ishonchli tarzda peshqadamlik qilmoqda. "Napoli" 1990 yildan beri ilk bor Italiya chempioni bo‘lishi mumkin.
