"Брайтон" ярим ҳимоячиси Мойсес Кайседога ҳамон "Ливерпуль" қизиқиш билдирмоқда.
21 ёшли футболчини "қизиллар" Жуд Беллингемга ("Боруссия Дортмунд") муқобил сифатида аниқладилар, уни "Реал" ва "Манчестер Сити" рақобати туфайли сотиб олиш осон бўлмайди. Goal хабарига кўра, "Ливерпуль" бу ёзда эквадорлик футболчини сотиб олишни кўриб чиқишга тайёр, аммо "Брайтон" ярим ҳимоячини 100 миллион евродан кўпроққа баҳоламоқда, бу эса келишувга путур етказиши мумкин.
Январ ойида Мойсес Кайседо "Арсенал"га ўтиши мумкин эди, аммо "чағалайлар" раҳбарияти трансферга тўсқинлик қилди. Март ойи бошида футболчи “Брайтон” билан шартномасини 2027 йилгача узайтирди.
