"Бенфика" бош мураббийи Рожер Шмидт клуб билан янги шартнома имзолади.
Лиссабонликлар матбуот хизмати хабарига кўра, мутахассиснинг келишуви 2026 йилгача мўлжалланган. Жорий мавсумда “бургутлар” немис мутахассиси бошчилигида Португалия чемпионати турнир жадвалида ишончли тарзда пешқадамлик қилишмоқда, шунингдек, Чемпионлар лигасида ҳам муваффақиятга эришиб, чорак финалга қадар етиб боришди. Барча турнирларда ўтказилган 43 учрашувда жамоа фақат битта мағлубиятга учраган.
Рожер Шмидт ўтган ёзда жамоа бош мураббийига айланганди. Бунгача у Нидерландиянинг ПСВ, Хитойнинг “Бэйцзин Гоань”, “Байер” ва “Ред Булл Зальцбург” клубларини бошқарган.
