"Ювентус" ҳужумчиси Душан Влахович ёзда жамоасини ўзгартириши мумкин.

Массимилиано Аллегри жамоаси кейинги мавсумга Чемпионлар лигаси йўлланмасидан маҳрум бўлиш хавфи остида, бу эса баъзи юлдузлар билан ажралишга олиб келиши мумкин. Tuttomercatoweb маълумотларига кўра, биринчи бўлиб кетадиган номзодлардан бири Влахович бўлади. “Ювентус” вазиятни тушуниб етди ва қиммат ҳужумчини сотиш бўйича деярли келишиб олди, бироқ улар бунинг эвазига жуда катта сумма – тахминан 120 миллион евро ишлаб олишни мақсад қилган.

Transfermarkt портали 23 ёшли футболчининг нархини 75 миллион еврога баҳоламоқда. Жорий мавсумда у 28 та баҳсда 11 та гол урди ва 4 та голли узатмани амалга оширди.