"Yuventus" hujumchisi Dushan Vlaxovich yozda jamoasini o‘zgartirishi mumkin.
Massimiliano Allegri jamoasi keyingi mavsumga Chempionlar ligasi yo‘llanmasidan mahrum bo‘lish xavfi ostida, bu esa ba’zi yulduzlar bilan ajralishga olib kelishi mumkin. Tuttomercatoweb ma’lumotlariga ko‘ra, birinchi bo‘lib ketadigan nomzodlardan biri Vlaxovich bo‘ladi. “Yuventus” vaziyatni tushunib yetdi va qimmat hujumchini sotish bo‘yicha deyarli kelishib oldi, biroq ular buning evaziga juda katta summa – taxminan 120 million yevro ishlab olishni maqsad qilgan.
Transfermarkt portali 23 yoshli futbolchining narxini 75 million yevroga baholamoqda. Joriy mavsumda u 28 ta bahsda 11 ta gol urdi va 4 ta golli uzatmani amalga oshirdi.
