«Бавария» устози Томас Тухель Германия чемпионати доирасидаги «Боруссия»га қарши ўйин олдидан ОАВ вакиллари билан суҳбатлашди.
«Биз ҳаяжондамиз. Бундеслига турнир жадвалида яна биринчи ўринни эгаллашни истаймиз. Бу ўйинда ғалаба қозониш бизни чемпион қилмайди, худди мағлубият жамоани чемпионлик имкониятидан маҳрум қилмагани каби. Бу шиддатли жанг бўлади», - дея Томаснинг сўзларидан иқтибос келтиради Мюнхен грандининг матбуот хизмати.
«Бавария» - «Боруссия Дортмунд» учрашуви 1 апрель куни Мюнхендаги «Альянс Арена»да бўлиб ўтади. Ушбу қарама-қаршилик арафасида мезбонлар Германия чемпионати турнир жадвалида рақибидан бир очко ортда қолиб, иккинчи ўринда бормоқда.
