"Реал" бош мураббийи Карло Анчелотти апрель ойида жамоага ёрдам беролмайдиган чап қанот ҳимоячиси Ферлан Мендининг жароҳати ҳақида фикр билдирди.
“Менди учун бу мавсум омадсиз келди. У жамоа учун жуда муҳим футболчи, аммо биз унга сифатли ўринбосар топа олдик", - деди Анчелотти Ла Лига доирасида "Вальядолид"га қарши ўйин олдидан ўтказилган матбуот анжуманида.
Эслатиб ўтамиз, 2019 йилда "Реал"га ўтганидан бери Менди турли жароҳатлар туфайли 52 та учрашувни ўтказиб юборган. Бу мавсумда франциялик ҳимоячи Испания чемпионатида битта голли узатмани амалга оширди.
