"Реал" Ла Лигада видеоҳакамлар ишига ўзгартириш киритиш ниятида. Бу ҳақда Marca хабар бермоқда.
"Реал" бу тизим номукаммал ва кўпинча клубга қарши ишлайди, деб ҳисоблайди, бу яқинда бўлиб ўтган "Эл Класико"да тасдиқланган. Клубнинг мақсади тизимни ўзгартириш бўлиб, "қаймоқранглилар" ўз телеканаллари ва Испания ОАВларида бу мавзуни кўтаришда давом этишади.
Шунингдек, "Реал" жорий мавсумда клубга қарши йўл қўйилган хатолар тасодифий эмаслигини ва видеоҳакамларга ташқи таъсир кўрсатаётганини таъкидламоқда. Клуб ВАР бўйича масъул шахслар ўзгаришини таъминлаш ниятида. Маълум қилинишича, яқин келажакда видеотакрорлар тизими ишини ўзгартириш режалаштирилмаган, фақат офсайдни ярим автоматик аниқлашни жорий этиш бундан мустасно.