Грэм Поттер Англия Премьер-лигасининг жорий мавсумида ўз лавозимини тарк этган 13-мураббий бўлди.

Аввалроқ, якшанба куни Брендан Рожерс «Лестер»дан четлатилганди, бироз олдин эса «Челси» ҳам ўз мураббийи билан хайрлашди. Эътиборлиси, Поттер Лондон жамоасида етти ойдан камроқ вақт ўтказди.

Opta хабарига кўра, Поттернинг истеъфоси Премьер-лиганинг жорий мавсуми бошланганидан бери 13-си бўлди.

Чемпионатнинг аввалги рекорди – бир мавсумда ўнта мураббий алмашиши эди (уч марта – 2013/14, 2017/18 ва 2021/22 йилги мавсумларда).