"Наполи" бош мураббийи Лучано Спалетти А серияда "Милан"дан учралган мағлубият (0:4) ҳақида фикр билдирди.
12 апрель куни жамоалар яна Чемпионлар лигаси доирасида "Сан-Сиро"да тўқнаш келишади. Чорак финалнинг жавоб учрашувлари 18 апрель куни бўлиб ўтади.
"Милан" ажойиб ўйин кўрсатди. Рақиблар учрашувни яхши бошлашди, кейин эса улар очилганда биз берган барча имкониятлардан унумли фойдаланишди. Биз одатдаги даражадан пастроқ ўйнадик ва ўйинчиларнинг вазиятни тўғирлаш истаги "Милан"га фақат қўшимча бўш жойларни очди.
Балки бугунги ўйиндан кейин одамлар "Милан" биз учун Чемпионлар лигасида осон рақиб эканлигини, айтишдан тўхтатар", - деди Спаллетти DAZN нашрига берган интервьюсида.