"Ливерпуль"нинг собиқ футболчиси Робби Фаулер жамоанинг яқинлашиб келаётган трансфер ойнасидаги мақсадлари ҳақида гапирди.
"Қизиллар" мавсумни ёмон ўтказмоқда. 28 турдан кейин Юрген Клопп шогирдлари турнир жадвалида бор-йўғи саккизинчи ўринни эгаллаб турибди.
"Агар клуб Чемпионлар лигасига чиқа олмаса, Жуд Беллингем ёки Мэйсон Маунтнинг "Ливерпуль"га ўтишини тасаввур қила оласизми? Очиғи, мен бунга ишонмайман.
Беллингемга Чемпионлар лигасида ўйнайдиган "Манчестер Сити" ва "Реал Мадрид" ҳам даъвогарлик қилмоқда ва бу, албатта, курашни ўзгартиради", - дейди Фаулер Goal нашрига.
