Якшанба куни Испания чемпионати доирасида "Вальядолид" меҳмонда "Реал"га 0:6 ҳисобида мағлуб бўлди. Эртаси куни клуб Пачета номи билан танилган бош мураббий Хосе Рохо Мартинни ишдан бўшатишини эълон қилди.
Пачета "Вальядолид" билан 2021 йилнинг ёзидан бери ишламоқда. Ушбу мутахассис бошчилигидаги 75 учрашувда “оқ-бинафшалар” 36 ғалабани 13 дуранг ва 26 мағлубият билан нишонлаган. "Вальядолид" айни дамда Ла Лига турнир жадвалида 16-ўринда, яъни тушиб кетиш зонасига яқин турибди.
"Вальядолид" Пачетага қилган иши учун миннатдорчилик билдирди ва келажакда унга омад тилади.
