“Урал” клуби футболчиси Рай Влут Нидерландияда икки ярим йиллик қамоқ жазосига ҳукм қилинди. Бу ҳақда маҳаллий ОАВ хабар бермоқда.

Влут боланинг ўлимига сабаб бўлган йўл-транспорт ҳодисасида айбдор деб топилди. Воқеа бир неча йил олдин содир бўлган.

Рай Влут ўтган йилнинг сентябридан "Урал" сафида ўйнаб келмоқда. Ўшандан бери 27 ёшли нидерландиялик футболчи Россия клуби сафида 15 та ўйин ўтказиб, 5 та гол урган.

“Урал” навбатдаги ўйинни 4 апрель, сешанба куни ўтказади. Виктор Ганчаренко шогирдлари Россия кубоги юқори қисмининг ярим финал жавоб учрашувида “Спартак”га қарши майдонга тушади.