"Брайтон" бош мураббийи Роберто де Зерби "Челси"дан Грэм Поттернинг истеъфога чиқарилгани ҳақидаги хабарга изоҳ берди.
“Мен жуда афсусдаман. Вазиятни ичкаридан билмасангиз, буни баҳолаш қийин”, - дея де Зербидан иқтибос келтиради Sky Sports.
— Менимча, мураббийларга ҳаддан ташқари аҳамият бериб юборишади, лекин футболчилар ҳар доим энг муҳими. Мураббийларни ишдан бўшатишлари менга ёқмайди, чунки масъулият фақат уларда эмас. Бундай вазиятлар юзага келганда, бу жуда ачинарли"
2 апрель куни “Челси” Грэм Поттерни истеъфога чиқарганини эълон қилди.
47 ёшли мутахассис Лондон жамоасини 2022 йилнинг сентябридан буён бошқариб келаётган эди.
