Мадриднинг “Атлетико” клуби бош мураббийи Диего Симеоне ёзда ўз лавозимини тарк этиши мумкин. Бу ҳақда Telegraph Football хабар бермоқда.
Манбага кўра, томонлар ҳамкорликни тўхтатишга қарор қилган. Сайёрамиздаги ҳозирда энг кўп маош олувчи мураббий "Интер"да иш бошлаши мумкин.
Эслатиб ўтамиз, Симеоне “Атлетико”ни 2011 йилдан буён бошқариб келади. У икки марта Европа Лигаси, икки марта Испания чемпионати, бир марта Испания кубоги, икки марта УЕФА Суперкубогини қўлга киритган ва икки марта “матрасчилар”ни Чемпионлар Лигаси финалига олиб чиққан.
"Атлетико" ҳозирда Испания чемпионатида учинчи ўринда бормоқда, аммо жамоа Чемпионлар лигасидан гуруҳ босқичида чиқиб кетди.
