Madridning “Atletiko” klubi bosh murabbiyi Diyego Simeone yozda o‘z lavozimini tark etishi mumkin. Bu haqda Telegraph Football xabar bermoqda.
Manbaga ko‘ra, tomonlar hamkorlikni to‘xtatishga qaror qilgan. Sayyoramizdagi hozirda eng ko‘p maosh oluvchi murabbiy "Inter"da ish boshlashi mumkin.
Eslatib o‘tamiz, Simeone “Atletiko”ni 2011 yildan buyon boshqarib keladi. U ikki marta Yevropa Ligasi, ikki marta Ispaniya chempionati, bir marta Ispaniya kubogi, ikki marta UEFA Superkubogini qo‘lga kiritgan va ikki marta “matraschilar”ni Chempionlar Ligasi finaliga olib chiqqan.
"Atletiko" hozirda Ispaniya chempionatida uchinchi o‘rinda bormoqda, ammo jamoa Chempionlar ligasidan guruh bosqichida chiqib ketdi.
