The Times нашри хабарига кўра, "Челси" Грэм Поттер ишдан бўшатилгандан сўнг, зудлик билан янги мураббий тайинламоқчи.
Шу тариқа, "Челси" раҳбарияти 12 апрель куни "Реал"га қарши Чемпионлар лигасининг чорак финали дастлабки учрашувигача янги бош мураббийни эълон қилмоқчи.
Клуб 4-5 нафар номзодни кўриб чиқмоқда, Юлиан Нагельсманн эса асосий даъвогар бўлиб қолмоқда. Тўғри, аввалроқ немис ОАВлари 35 ёшли мураббий "Бавария"дан ҳайдалгач, мавсум охиригача дам олишни хоҳлаётгани ҳақида хабар берган эди.
Бошқа номзодлар орасида Маурицио Почеттино, Зинедин Зидан ва Луис Энрике ҳам бор.
