Матбуотда "Челси" раҳбарияти клуб учун янги бош мураббий қидираётганлиги ҳақидаги хабарлар чиқишда давом этмоқда. Бу ўрин учун фаворитлар Юлиан Нагельсманн ва Луис Энрике бўлиб, лондонликлар аллақачон улар билан боғланишган.
Шунингдек, яқин 48 соат ичида “аристократлар” Маурисио Почеттино, Оливер Гласнер, Лучано Спаллетти ва Рубен Аморим билан боғланишни исташмоқда, дея хабар беради The Telegraph ўз саҳифаларида.
Қайд этилишича, "Челси" шунингдек Карло Анчелоттини таклиф қилиш имкониятини муҳокама қилган, бироқ у бу лавозимга номзод сифатида кўриб чиқиладими ёки йўқми, ҳозирча аниқ эмас. Ҳозирда "Реал Мадрид"ни бошқараётган италиялик мутахассис аввалроқ Бразилия терма жамоасида ишлаши ҳақида хабарлар тарқалган эди.
