"ПСЖ" раҳбарияти жамоанинг амалдаги бош мураббийи Кристоф Галтьени истеъфога чиқаришга қарор қилса, Зинедин Зидан ва Юлиан Нагельсманн билан музокараларни бошлаши мумкин.
Олдинроқ, Галтьенинг келажаги парижликларнинг "Ницца" ва "Ланс"га қарши навбатдаги икки ўйинида аниқланиши ҳақида хабар берилганди. Манбага кўра, ижобий натижа бўлган тақдирда ҳам 56 ёшли мутахассис ёзда жамоани тарк этиши мумкин.
"ПСЖ" Лига 1да 66 очко билан пешқадамлик қилиб, "Ланс" ва "Марсель"дан 6 очко олдинда бормоқда. Ўтган турда Галтье жамоаси ўз майдонида "Лион"га мағлуб бўлди (1:2).
