"Ливерпуль"га қарши ўйиннинг 78-дақиқасида Михаил Мудрик захирадан майдонга тушди.

Грэм Поттер жамоадан кетгач ўтказилган биринчи ўйинда “Челси” “Ливерпуль” билан дуранг ўйнади (0:0).

Мудрик Бен Чилуэллнинг ўрнига майдонга тушди ва 13 дақиқани майдонда ўтказди. 95-дақиқада украиналик вингер Энцо Фернандесга голли узатма бериши мумкин эди, бироқ аргентиналик футболчи жарима майдончаси ташқарисидан йўллаган зарба дарвоза устуни юқорисидан ўтиб кетди.

Мудрик ҳалигача "Челси"да тўлиқ ўйин ўтказгани йўқ. Ярим ҳимоячи майдонга тушган 8 учрашувда битта голли узатмани амалга оширди, аммо бирорта ҳам гол ура олмади.