Мадриднинг “Реал” клуби ҳимоячиси Антонио Рюдигер бугун Испания кубоги доирасида “Барселона”га қарши ўйинда иштирок этишга тайёр. Бош мураббий Карло Анчелотти матбуот анжуманида немис ҳимоячиси асосий таркибда майдонга тушиши мумкинлигини айтди.
"Рюдигер яхши ишлаяпти ва "Барселона"га қарши ўйнашга тайёр", - деди Анчелотти.
Рюдигер "Реал"нинг "Вальядолид"га қарши сўнгги ўйинини жароҳати туфайли ўтказиб юборди. Футболчининг Испания кубогининг ярим финали жавоб баҳсида иштирок этиши шубҳа остида эди, бироқ мураббий немис футболчиси ўз жамоасига ёрдам беришга тайёрлигини аниқ айтди.
Эслатиб ўтамиз, Рюдигер Эдер Милитао билан бирга "Реал"нинг асосий марказий ҳимоячиси ҳисобланади.
