Карим Бензема "класико" тарихидаги энг яхши тўпурарлар рўйхатида Раулни ортда қолдирди.

“Реал” форварди Испания кубоги ярим финалида “Барселона” билан ўйинда (4:0) хет-трик қайд этди.

Эндиликда франциялик футболчининг ҳисобида 43 та баҳсда учун 16 та гол бор. Карим бу қарама-қаршиликда Раулни ортда қолдирди ва тўпурарлар рейтингида тўртинчи ўринни эгаллаб турибди. Иккинчи ўринда Альфредо Ди Стефано ва Криштиану Роналду (18 та), Лионель Месси пешқадам (26).

Бензема шунингдек энг яхши ассистентлар рўйхатида иккинчи ўринга кўтарилди. Карим Винисиус Жуниорга ассистентлик қилди - Каримнинг ҳисобида "Барселона"га қарши ўйинларда 11 та ассистентлик бор. Бу борада ҳам пешқадам Месси - 14 та ассист.