Англия премьер-лигасининг 7-туридан ўрин олган қолдирилган ўйинда «Вест Хэм» ўз майдонида «Ньюкасл»га йирик ҳисобда мағлуб бўлди – 1:5.

Шотландиянинг «Вест Хэм» клуби бош мураббийи Дэвид Мойес учрашув натижасини муносиб деб ҳисоблайди, бироқ у бундай йирик ҳисобга рози эмас.

Мойес Англия чемпионати тарихида фақат бир марта ўз уйида йирикроқ мағлубиятга учраган - 2009 йилда «Эвертон» бошқарувида унинг клуби ўшанда «Арсенал»га 1:6 ҳисобида мағлуб бўлганди.

«Ҳисоб бунчалик катта бўлишини кутмагандим, бу катта индивидуал хатолар туфайли содир бўлди. Танаффусгача ҳам рақиб голларини бемалол киритди, аммо ўзимиз гол ура олмадик.

Ўйинимизда менга ёқадиган нарсалар бор эди, биз «Саутгемптон» билан ўйиндагидан кўра кескинроқ ҳужум қилдик, аммо тўғри ҳимоялана олмадик», - дея Мойеснинг сўзларини келтиради BBC Sport.

Кейинги турда «Вест Хэм» сафарда «Фулхэм» билан ўйнайди.