Мадриднинг “Реал” клуби бош мураббийи Карло Анчелотти Испания кубогининг ярим финал жавоб ўйинида “Барселона” билан (0:4) бўлиб ўтган ўйин ҳақидаги ўз фикрлари билан ўртоқлашди.
"Биз мукаммал ўйин ўтказдик, акс ҳолда бу стадионда 4:0 ҳисобида ғалаба қозонишнинг иложи бўлмасди. Биринчи бўлим бошида муаммоларга дуч келдик, аммо биринчи гол учрашув динамикасини ўзгартирди. Бундай ўйинда характер ва тажриба муҳим аҳамиятга эга. Таркибда сиз Родриго, Вальверде, Камавинга каби энергияни Винисиус, Модрич, Кроослар тажрибаси билан уйғунлаштиришга эришишингиз керак. Улар ажойиб ўйин ўтказишди.
Февраль ойида мен финалга чиқамиз деб ҳазиллашгандим. Биз Ла Лига ўйинидаги каби ёндашувни сақлаб қолдик, лекин мен Родригонинг позицияси талқинини ўзгартирдим. Кичик тафсилотлар учрашувга ҳал қилувчи таъсир кўрсатади. Биз ғалабани кийиниш хонасида нишонладик, чунки финал йўлида муҳим тўсиқни енгиб ўтгандик", - деди Анчелотти.
