Мадриднинг “Реал” клуби бош мураббийи Карло Анчелотти нима учун Испания кубоги доирасида “Барселона”га қарши кечаги ўйиннинг иккинчи бўлимида Винисиус Жуниорни алмаштиришга қарор қилганини тушунтирди.
Эслатиб ўтамиз, "Реал Мадрид" 4:0 ҳисобида ғалаба қозониб, 2014 йилдан бери илк бор турнир финалига йўл олди.
"Мен Винисиусни алмаштирдим, чунки унинг ҳисобида аллақачон сариқ карточка бор эди. Ҳеч ким унинг финални ўтказиб юборишини хоҳламаганди", - деди Анчелотти матбуот анжуманида.
Винисиус кеча "Барселона"га қарши ўйинда гол урди ва голли узатмани амалга оширди. Бразилиялик футболчи бунгача “Реал” билан Қирол кубогини юта олмаган. Турнир финалида жамоа “Осасуна” билан ўйнайди.
