"Реал" ҳимоячиси Дани Карвахаль жамоасининг "Барселона" устидан қозонилган йирик ғалабаси ҳақида фикр билдирди.
Эслатиб ўтамиз, “қироллик клуби” “кўк-анорранглилар”ни 4:0 ҳисобида мағлуб этиб, 2014 йилдан бери илк бор Испания кубоги финалига йўл олди.
“Биз “Барселона”дан яхшироқ эдик ва ғалаба қозонишга ҳақли эдик. Анчелотти баъзи ўзгаришлар қилди. У Модрич ва Родриго билан Бензема ва Винисиусга ёрдам берадиган кўпроқ ҳужумкор жамоани кўрмоқчи эди", - деди Карвахаль ўйиндан кейин берган интервьюсида.
Кеча бўлиб ўтган ўйинда "Реал" ҳужумчиси Карим Бензема томонидан хет-трик қайд этилди. Франциялик футболчи сўнгги икки ўйинда 6 та гол урди.
