"Спартак" собиқ президенти Леонид Федуннинг собиқ маслаҳатчиси Франко Камоцци ҳужумчи Малкомнинг "Зенит"дан кетиши мумкинлиги ҳақида гапирди.
Аввалроқ, Россия паспортига эга бўлган бразилиялик вингер ўзининг мақсади Чемпионлар лигасида қатнашиш эканини айтганди. Эслатиб ўтамиз, "ПСЖ" ўтган қишда Малкомга қизиқиш билдирган эди.
“Буюк футболчиларнинг юқори даражага интилиши нормал ҳолат. "ПСЖ"га келсак, Малком у ерда Мессининг ўрнини боса олади. У Франция чемпионатини яхши билади”, — дея Камоцци сўзларини келтиради “Матч ТВ”.
Эслатиб ўтамиз, бразилиялик футболчи “Зенит”га қадар “Барселона” ва Франциянинг “Бордо” клубларида тўп сурган.
