Йил бошида “Шўртан” жамоасида фаолият бошлаган Игорь Криушенко биринчи даврадан сўнг жамоани тарк этиб, ўз юртига қайтиб кетганди. Куни кеча Игорь Николаевич ўз юртида маҳаллий журналистларнинг бир қатор саволларига жавоб қайтарди.

— Игорь Николаевич, Сиз биринчи лига доирасида ўтказилган “Городе”-“Химик” жамоалари ўртасидаги баҳсда пайдо бўлдингиз ва фаол иштирок этдингиз. Бунга изоҳ бериб ўтсангиз?
— Ҳақиқатдан ҳам, мен Городеда бўлдим, лекин фаол қатнашдим деб айтиб бўлмайди. Шунчаки дўстим Олег Кузменкога ёрдам берди, холос.

— Сиз унга узоқ муддат ёрдам берасизми?
— Биз у билан анча олдин гаплашгандик. Қолаверса, у билан ўз вақтида бирга футбол ҳам ўйнаганмиз. Мен “Городе”нинг бир нечта машғулотларида қатнашдим ва унга ёрдам бердим. Мана бугун расмий ўйинда иштирок этдим ва дўстимга ўз маслаҳатларимни аямадим. Лекин, клубда ҳеч қандай штатни эгаллаганим йўқ.

— Яна қанча муддат дўстингизга ёрдам берасиз?
— Муддати келишилмаган. Агарда менда йил охиригача ҳеч қандай вариант пайдо бўлмаса унда йилни охиригача ёрдам бераман. Мабодо менга бирор клубдан иш таклиф қилишса, у ҳолда кетаман.