Хабарингиз бор, 21 сентябрь куни Олий лига 20-тури доирасидаги "Қизилқум" - "Насаф" учрашуви Зарафшон шаҳрида бўлиб ўтади. Бугун эрталаб "Насаф" жамоаси ва расмий кишилар Қарши шаҳридан клубнинг махсус автобусида Зарафшон шаҳрига жўнаб кетишди.

"Насаф" ПФК матбуот хизмати раҳбари Азиз Нурийнинг ўз твиттеридаги маълумотларга қараганда жамоамизнинг мухлислари ёқимтойи бўлган Жаҳонгир Жиямуродов жароҳатлардан бутунлай фориғ бўлган ва у эртага бўладиган учрашувда майдонга тушиш учун шай турибди.

Жаҳонгир Жиямуродовни биз охирги марта майдонда, қолдирилган 3-тур учрашуви, 5 июнда бўлиб ўтган "Насаф"-"Нефтчи" ўйинида кўрган эдик. Шундан сўнг жароҳати туфайли учрашувларда кўринмай қолди.

Албатта бу кўп вақт, биз мухлислар ҳоҳлардикки ушбу жароҳатлар ортда қолгани рост бўлсин. Ўзимизни Жия мухлисларни хурсанд қилиб, яна майдонда жавлон ураверсин! Биз фурсатдан фойдаланиб, жамоамиз аъзоларига эртага бўлиб ўтадиган учрашувда фақат ғалаба тилаб қоламиз! Энди оддий ўйинлар қолмади, ҳар-бир учрашув мисли финалдек бўлади. Омад Сизга ёр бўлсин "аждарлар"!