"Челси"нинг вақтинчалик бош мураббийи Фрэнк Лэмпард шартнома муддати тугашига бир йил қолганда ёзда жамоадан сотиб юборилиши мумкин бўлган ярим ҳимоячи Мэйсон Маунт билан боғлиқ вазиятга изоҳ берди. Футболчи раҳбарият билан ҳамкорликни узайтириш борасида ҳозирча келиша олмаяпти.

“Мен бу ҳақда гапириш учун вазиятни яхши билмайман. Тўғри маълумотга эга бўлмаган ҳолда бирор нарсага киришишим нотўғри бўларди. Мэйсон мен учун доим фантастик футболчи бўлган. Унинг бир қанча жароҳатлари борлигини биламан. Мен Маунтнинг майдонда қандай ҳаракатларини кўришни хоҳлаётганимни биламан", - дея Лэмпард сўзларини келтиради журналист Низар Кинселла.

Эслатиб ўтамиз, 2019/20 йилги мавсумда айнан Лэмпард Маунтни "Челси"нинг асосий жамоасига қўшган эди. Бунгача Мэйсон "Дерби Каунти"да ижара асосида остида ўйнаган.