"Барселона" бош мураббийи Хави Эрнандес ёзги трансфер мақсадларини белгилаб олди. Каталония клуби бош мураббийи парижликлар ҳужумчиси Лионель Месси ва "Манчестер Сити" ярим ҳимоячиси Бернарду Силвани жамоага олиб келмоқчи.
Мессининг шартномаси ёзда ниҳоясига етади, бу эса унга “Барселона”га текинга қайтиш имкониятини бериши мумкин. Силва билан ҳаммаси мураккаброқ: футболчи "Камп Ноу"га ўтишга тайёр бўлса-да, "Манчестер Сити" трансфер учун камида 50 миллион евро талаб қилиши аниқ.
Манбага кўра, Хавининг фикрича, Силва ва Мессининг трансферларидан сўнг "Барселона" яна Чемпионлар лигасида ғалаба учун кураша олади.
